ಪ್ರಕಾಶಾಂತರಂಗ

ಶ್ರೀ ಗುರು ಶಂಭುಲಿಂಗದ ಪಾದಪಂಕಜ | ವೀಗೆನ್ನ ಮತಿಗೆ ಮಂಗಲವನು                  ||ಪ|| ಶ್ರೀ ಮಾಹಾದೇವಂಗೆ ಸೋಮಂಗೆ ಸುಖಪೂರ್ಣ ಧಾಮಂಗೆ ಸತ್ಯ ಚಿದ್ರೂಪಂಗೆ | ಕಾಮಿತಾ ಜನಕಲ್ಪ ಭೂಜಂಗೆ ಶಂಭುವಿಂ ಗಾಮೋದದಿಂದ ವಂದಿಸುವೆನು                  ||೧|| ಸರ್ವ ವಿದ್ಯೆಗಳಿಗೆ ಸರ್ವ ಬುದ್ಧಿಗಳಿಗೆ ಸರ್ವ ಸಿದ್ಧಿಗಳಿಗೆ ಸರ್ವಕ್ಕೆ | ಸರ್ವ ಜೀವರ ತೋರ್ಕೆಗಾದಿಕಾರಣಳಾದ ಸರ್ವ ಮಂಗಳೆಗೆ ಯಾನತನಪ್ಪೆ                  ||೨|| ಗಣವರನಣಿಮಾದಿ ಗುಣಮಣಿ  ಸಿಂಧುವಾ ರಣಮುಖನಭಿ ಮತಾರ್ಥಂಗಳ | ತಣಿವಂತೆ ಕೊಡುವದನನ್ವಿತನೀ ಕೃತಿ ಗಣುಮಾತ್ರ ವೇಡರಿಲ್ಲವೆನೆ ಮಾಳ್ಕೆ                  ||೩|| ಚಿನ್ನವಾಭರಣತೆಯಿನ್ನಾಮರೂಪ ಭೇ- ದನ್ನಿಜವೆನಿಸಿದಂತೀಶನ | ಭಿನ್ನಾಭಿದಾನ ಮೂರ್ತಿಗಳೆನಲೆಸೆವ ಸಂ ಪನ್ನಗಣಾಳಿ ರಕ್ಷಿಪುದೆನ್ನ                  ||೪|| ಕರುಣರಸದ ಕೋಡಿವರಿವ ಕಟಾಕ್ಷದ ಪರತತ್ವವರುಪುವಾಲಾಪದ | ವರಪುಣ್ಯಮಯ ಶರೀರದ ನಿರಾಭಾರಿ ಸ- ದ್ಗುರುವಿರಲೆನ್ನ ಮಾನಸದಲ್ಲಿ                  ||೫|| ಶುಕ ವಾಮದೇವಾದಿ ಸಕಲ ಮುನೀಶ್ವರ ನಿಕರವನೊಲವಿಂದೆ ಬಲಗೊಂಡು | ಅಕಲಂಕವೆನಿಸುವದ್ವೈತ ತತ್ವವನಿಲ್ಲಿ ಪ್ರಕಟಿಸುವೆನು ಬೋಧಾಗತಿಯಿಂದೆ                  ||೬|| ಅವರಿವರೆನ್ನದೆ ನಿಜವರಿದವರಂಘ್ರಿ ಗವನತನಾಗಿ  ಸಂತಸದಿಂದ | ತವೆ ರಮ್ಯವಾದುದೆಂದೆನೆ ಪೇಳ್ವೇನಧ್ಯಾತ್ಮ ಸುವಿಚಾರಗತಿಯನೀ ಕ್ರಮದಿಂದ                  ||೭|| ~ಶ್ರೀಮನ್ನಿಜಗುಣರು