ಅಮವಾಸ್ಯೆ..

By -

ಮುಗಿಲೂರಿನ ತುಂಬ
ಚುಕ್ಕಿ ದೀಪಗಳ ತುಂಬು ರಂಗೋಲಿ
ಮಡಿದಿದ್ದ ಚಂದಿರನ
ನೆನಪಿನಲಿ ಸಲ್ಲಿಸುತ ಶ್ರದ್ದಾಂಜಲಿ

 ಗೂಬೆಗಳು ಕೂಗುತಿವೆ,
ಹಕ್ಕಿಗಳು ಮೌನ ಹೊದ್ದಿವೆ  ಶೋಕದಲಿ
ಕಂಬನಿ ಮಿಡಿಯುತಿದೆ ತಂಗಾಳಿ
ಶಶಿಯ ತವರೂರಾದ ವಸುಧೆಯಲಿ

 ಭೊರ್ಗರೆವ ಕಡಲು
ಶಾಂತವಾಗಿ ಮಲಗಿದೆ ಬೇಸರದಲಿ
ಮಲಗಿದೆ ಮಗುವೊಂದು
ಮತ್ತೆ ಬರುವ ಚಂದ್ರಮ ಎಂಬ ಕನಸಲಿ
~ಪ್ರಕಾಶ್

Comments

Post a Comment

Popular posts from this blog

ವಸಂತಾಗಮನ..

By -
ಹಿತ್ತಿಲಲ್ಲಿ ಹೂ ಬಿಟ್ಟಿದೆ ಬೇವಿನ ಮರ ಮನೆಯ ಡಬ್ಬದಿ ತುಂಬಿದೆ ಬೆಲ್ಲದ ಘಮ ಚಿಗುರ ತೋರಣ ತೊಟ್ಟಿದೆ ಮಾವಿನ ಮರ ದೂರದಲ್ಲಿ ಕೇಳುತಿದೆ ಕೊಕೀಲ ಗಾನ ಪ್ರಕೃತಿ ಕಾದು ನಿಂತಿದೆ ವಸಂತಾಗಮನಕೆ ಉಸಿರು ಬಿಗಿ ಹಿಡಿದು ಕಾಯುತಿದೆ ನೇಗಿಲು ನೂರು ಆಸೆ ಹೊತ್ತಿದೆ ಭೂಮಿಯ ಒಡಲು ನವ ಸಂವತ್ಸರದಿ ಭೂ ತಾಯ ಮಡಿಲು ತುಂಬುವ ಆಶಯದಿ ಬರದ ಕಹಿ ನೆನಪನು ಮರೆಸುವ ಸಿಹಿ ನಾಳೆಗಳು ಬರುವ ಕನಸಲಿ ~ಪ್ರಕಾಶ್
Read more

ಶ್ರೀಮನ್ನಿಜಗುಣರು ರಚಿಸಿರುವ ಶಂಭುಲಿಂಗಸ್ತೂತ್ರ

By -
ಶ್ರೀ ಗುರು ಶಂಭುಲಿಂಗದ ಪಾದಪಂಕಜ | ವೀಗೆನ್ನ ಮತಿಗೆ ಮಂಗಲವನು                  ||ಪ|| ಶ್ರೀ ಮಾಹಾದೇವಂಗೆ ಸೋಮಂಗೆ ಸುಖಪೂರ್ಣ ಧಾಮಂಗೆ ಸತ್ಯ ಚಿದ್ರೂಪಂಗೆ | ಕಾಮಿತಾ ಜನಕಲ್ಪ ಭೂಜಂಗೆ ಶಂಭುವಿಂ ಗಾಮೋದದಿಂದ ವಂದಿಸುವೆನು                  ||೧|| ಸರ್ವ ವಿದ್ಯೆಗಳಿಗೆ ಸರ್ವ ಬುದ್ಧಿಗಳಿಗೆ ಸರ್ವ ಸಿದ್ಧಿಗಳಿಗೆ ಸರ್ವಕ್ಕೆ | ಸರ್ವ ಜೀವರ ತೋರ್ಕೆಗಾದಿಕಾರಣಳಾದ ಸರ್ವ ಮಂಗಳೆಗೆ ಯಾನತನಪ್ಪೆ                  ||೨|| ಗಣವರನಣಿಮಾದಿ ಗುಣಮಣಿ  ಸಿಂಧುವಾ ರಣಮುಖನಭಿ ಮತಾರ್ಥಂಗಳ | ತಣಿವಂತೆ ಕೊಡುವದನನ್ವಿತನೀ ಕೃತಿ ಗಣುಮಾತ್ರ ವೇಡರಿಲ್ಲವೆನೆ ಮಾಳ್ಕೆ                  ||೩|| ಚಿನ್ನವಾಭರಣತೆಯಿನ್ನಾಮರೂಪ ಭೇ- ದನ್ನಿಜವೆನಿಸಿದಂತೀಶನ | ಭಿನ್ನಾಭಿದಾನ ಮೂರ್ತಿಗಳೆನಲೆಸೆವ ಸಂ ಪನ್ನಗಣಾಳಿ ರಕ್ಷಿಪುದೆನ್ನ                  ||೪|| ಕರುಣರಸದ ಕೋಡಿವರಿವ ಕಟಾಕ್ಷದ ಪರತತ್ವವರುಪುವಾಲಾಪದ | ವರಪುಣ್ಯಮಯ ಶರೀರದ ನಿರಾಭಾರಿ ಸ- ದ್ಗುರುವಿರಲೆನ್ನ ಮಾನಸದಲ್ಲಿ                  ||೫|| ಶುಕ ವಾಮದೇವ...
Read more

ಕುವೆಂಪುರವರ, ಜನಪ್ರಿಯ ವಾಲ್ಮೀಕಿ ರಾಮಾಯಣ

By -
Image
      ನಮ್ಮ ದೇಶದ ಸಾಹಿತ್ಯಕ್ಕೆ ರಾಮಾಯಣ, ಮಹಾಭಾರತ ಮೂಲದ್ರವ್ಯ ಎಂದು ಹೇಳಬಹುದು. ನಮ್ಮ ದೇಶದ ಯಾವುದೇ ಊರಿಗೆ ಹೋದರೂ, 'ರಾಮ ಇಲ್ಲಿ ಕೂತಿದ್ದ:, 'ಹನುಮಂತ ಇಲ್ಲಿ ವಿಶ್ರಮಿಸಿದ್ದ', 'ಲಕ್ಷಣ ಇಲ್ಲಿ ಸ್ನಾನ ಮಾಡಿದ್ದ', ಈ ರೀತಿಯ ಹಲವು ಕತೆಗಳಿರುತ್ತವೆ. ಎಲ್ಲರೊಳಗೂ ಆ ಪಾತ್ರಗಳ ಬೆರೆತುಬಿಟ್ಟಿವೆ. ಅವುಗಳಲ್ಲಿನ ಪಾತ್ರಗಳನ್ನು ಪ್ರತಿದಿನ ನಮಗೆ ಗೊತ್ತಿಲ್ಲದೆ ನೆನೆಯುತ್ತಿರುತ್ತೆವೆ. ಇದೇನಿದು 'ಹನುಮಂತನ ಬಾಲ ಇದ್ದ ಹಾಗೇ ಇದೆ', 'ನಿಂದೊಳ್ಳೆ ರಾಮಾಯಣ ಆಯ್ತು', 'ನೀನ್ ಬಿಡಪ್ಪ ಕೃಷ್ಣ ಪರಮಾತ್ಮ', 'ಶಬರಿ ಕಾದಂಗೆ ಕಾದನಲ್ಲೊ' ಹೀಗೆ ಒಂದಿಲ್ಲೊಂದು ಕಡೆ ನಮಗರಿವಿಲ್ಲದಂತೆ ಆ ಪಾತ್ರಗಳನ್ನು ಸ್ಮರಿಸುತ್ತೆವೆ.      ಚಿಕ್ಕಂದಿನಿಂದಲೂ ಈ ಮಹಾಕಾವ್ಯಗಳ ಕಥೆಗಳೆಂದರೆ ಒಂದು ರೀತಿಯ ಆಕರ್ಷಣೆ ನನಗೆ, ಟಿವಿಯಲ್ಲಿ ಬರುತ್ತಿದ್ದ ಧಾರಾವಾಹಿಗಳನ್ನು ಬೆರಗಾಗಿ ನೋಡುತ್ತಿದ್ದೆ. ಪತ್ರಿಕೆಗಳಲ್ಲಿ ಬರುವ ಈ ಕೃತಿಗಳನ್ನಾಧರಿಸಿದ ಕಿರುಗತೆಗಳನ್ನು ಆಸಕ್ತಿಯಿಂದ ಓದುತ್ತಿದ್ದೆ, 'ಸಂಪೂರ್ಣ ರಾಮಯಣ', 'ಸಂಪೂರ್ಣ ಮಹಾಭಾರತ' ಎಂಬ ಕೆಲ ಪುಸ್ತಕಗಳನ್ನು ಹೈಸ್ಕೂಲಿನಲ್ಲಿ ಓದಿದ್ದೆ, ಇತ್ತೀಚೆಗಂತೂ ತುಂಬಾ ವಿವಾದಗಳು, ಮತದ್ವೇಷಗಳನ್ನು ಕಂಡು ಮತ್ತೊಮ್ಮೆ ರಾಮಾಯಣವನ್ನು ಓದಬೇಕೆನಿಸಿತು, ಆದರೆ ಕುಮಾರವ್ಯಾಸ ಹೇಳುವಂತೆ 'ತಿಣುಕಿದನು ಫಣಿರಾಯ' ಎನ್ನುವಷ್ಟು ರಾಮಯಣಾಧ...
Read more